Wilhelm Toll Willy Will You Tell Me (What's Going On) Lyrics

's isch Mitternacht bim Täll-Dänkmal,
mucksmüüsli schtill, dä Mond schiint fahl.
Da plötzlich zuckt en grelle Blitz dur d' Nacht,
de Bode bebt, es knarrt und kracht.
Es fäget Schtaub dur Altdorf dur,
's hät oppe scho en tüüfe Riss ir Muur,
die Figure det obe, nei lueg au da,
believe me or not, die beweget sich ja!
Em alte Täll fahrt's Läbe id Glider, er löst sin Blick vo dä Berge
hernider.
Uf em Chopf vom Walter, give me a break, en Walkman mit Kabelgschleik.
Die beide, die schtiiged jetzt würkli abe, was wänd die schteinerne
Chnabe?
Ich schliiche nöcher, villicht ghör i mee, it takes me wonder, was mer
alls cha gseh!
Refrain:
Tell me Willy, will You tell me, tell me Willy,
hey Willy will You tell me, what's going on!
Was die wänd mache wird mer langsam klar,
si wänd go luege, wie's tued nach 700 Jahr,
wänd go checke, was d' Freiheit im Schwiizerland macht,
i dem Land vo Banke und Riichtum und Pracht.
E paar Schtund druf schtönd die beide ar Schtrass
i Verchehrslärm, Hektik und Autoabgaas.
bir Ample ar Chrüüzig en grelle Pfiff,
dä Tschugger hät alls total im Griff!
Er fuchtled mit Händsche wüetig umenand, isch das dä nöi Vogt im
Heimetland?
Er zeigt ufs Rotliecht, het mer ächt müesse das Ding uf dä Schtange
grüesse?
Aber Tell und Sohn sind uuf und devo, sind zmitzt is Gwüel vo Lüüt ie
cho
für dä Walther, de chrotte son of a gun, isch das die richtigi Action
and Fun!
Jetzt chömeds in en funkelnde Salon ine,
mit Chäschte wo quäked und rüttled dine.
Dä Lärm, das G'ratter, dä Gliter und Glanz
verwirrt und verwundered die beide ganz.
Da plötzlich uf eme Flipper, dä Täll bliibt schtaa,
en riise Öpfel, mit eme Blettli draa.
Er ziilet, er truckt, ­ er cha's nüd laa,
what the hell 's going on mit dem guete Maa?
Dä Pfiil isch zmitzt i dä Öpfel drii, en Churze, en Chlapf mit hellem
Schii!
Dä Boss isch cho, hät gfuuschtet und taa, bald häd e Schtreife dä Fall
übernaa.
Uswiis händs welle, Waffeschii, s eint isch sogar en Wachmeischter
gsii!
Da seit dä Täll "f*ck off You Guys, ich muess jetzt hei, 's isch halbi
eis!"
De Beamte wird's jetzt langsam z'bunt, si schlepped en use zum Auto
und
fahred devo, Richtig Hauptrevier, de Täll findet s Ganzi zimli
schtier!
Diä Fahrt gaht zmitzt dur's Autogwüel dure, da hilft keis Flueche, hilft keis Murre.
Jetzt griift de Täll em Fahrer is Schtüür,
es quitscht, es tschäddered, 's isch nümme ganz ghüür,
er schnapped d' Armbruscht, Tür uuf mit Schwung,
schtosst dänn ab mit verwägenem Schprung
uf en Insle wo zmitzt im Verchehr inne schtaad
(wänn de gääl-wiiss Pfoschte numme nüd laht!).
Mit eme Surfer über dä See zum andere Ufer,
deet isch er d' Böschig duruf mit eme grosse Schnuufer.
En Zuun us Draht tuet er küehn überchlättere,
nüd ohni über sättig nöii Mode z'wättere!
Schtuunend schtaaht er ame breite Wäg us Schtei
und zwar nüd oppe muetterseele-elei, ­
luuter Wäge us Bläch saused verbii,
dettig wie z' Altdorf, nur gschnäller sinds gsii.
Er cha 's nüd glaube, chratzt sich im Haar, da halted scho en
schneidige Car,
dä Täll schtigt ii, si fahred devo, scho glii sind's is Tunnel ie cho
"Diä Hohli Gass isch au nümm das, hey Driver nimm dä Fuess vom Gaas,
ich schtiige jetzt uus, säg Dir Goodbye, wächsle d' Schpuur und fahr
wider hei!"
Unter Läbesgfahr isch er überegrännt, dänne tuet er winke mit beide
Händ,
doch keine haltet, all raased verbii, öise Täll luegt immer grimmiger
drii!
Now it happens, dä Boge wird gschpannt, er nimmt dä zweiti Pfiil id
Hand
und schüsst annere Schtaatslimusine im Reiffe links hinne es Loch
drinine.
's sitzt en Bundesrat drin, das chunt nüd guet, en Polizeitrupp mit
MGs tued
dä Tunnel abriggle aber Täll isch scho lang druus us dem gfürchige
Gang!
Vo allne Siite ghörsch Sirene pfiiffe, mit Panzer tuet s Militär
iigriiffe,
Helikopter chreised, mer git bekannt, d' Gränze sig gschlosse, ­
Uusnahmezueschtand!!
In Altdorf trifft dä Täll uf dä Sohn, si lueget sich aa, keine seit en
Ton,
schliiched zum Sockel und "Hopp" wider ufe,
schtönd richtig ane, höred uf mit Schnuufe.
Fescht hebt dä Walther sin liebä Dad, wo fasch unter d' Reder cho wär
so bad,
und eis isch beide jetzt ganz klar: si warted lieber nomal 700 Jahr!!
(Text: Roland Ambühl / Musik: Reto Gfeller)
CD Dä Schocker Seppl von Wilhelm Toll,
CH Records 52 3007-4, Vertrieb: Activ Records, CH-Dübendorf