OLD BLIND DOGS


The Wee Wee German Lairdie Lyrics

Wha the de'il hae we gotten for a king
But a wee, wee German lairdie
When we gaed to bring him hame
He was delvin' in his yairdie
He was sheughing kail an' pu'in' leeks
Aye but the hose an' but the breeks
Wi' his beggar duds he cleeks
Ye wee bit German lairdie

He's clappit doun in our gudeman's chair
This wee bit German lairdie
An' he's brocht forth o' foreign trash
An' dibbled them in his yairdie
He's pu'd the rose o' English loons
Broke the harp o' Irish clowns
Our thistle taps will jag his thumbs
Ye wee bit German lairdie

Come up amangst our Hieland Hills
Ye wee bit German lairdie
An' see the Stuart's lang kail thrive
They hae dibbled in our yairdie
An' if a stock ye daur to pu'
Or haud the yokin' o' a plough
We'll break your sceptre owre your mou'
Ye wee bit German lairdie

Our hills are steep, our glens are deep
Nae fitting for a yairdie
Our Norland thistles winna pu'
Ye wee bit German lairdie
We've the trenching blades o' weir
Wad prune ye o' your German gear
We'll pass ye 'neath the claymore's shear
Ye feckless German lairdie

Scotland, thou'rt ower cauld a hole
For nursin' siccan vermin
But the very hounds o' the English court
They bark, they howl in German
So keep thy dibble in thy ain hand
Thy spade but an' thy yairdie
For wha the de'il now claims your land
But a wee, wee German lairdie

Correct these lyrics

Watch Old Blind Dogs The Wee Wee German Lairdie video
Hottest Lyrics with Videos
63732e7047b8e64a808dcd03a3487162

check amazon for The Wee Wee German Lairdie mp3 download
these lyrics are submitted by kaan

Record Label(s): 1992 KRL
Official lyrics by

Rate The Wee Wee German Lairdie by Old Blind Dogs (current rating: N/A)
1
2
3
4
5
6
7
8
9
10
Meaning to "The Wee Wee German Lairdie" song lyrics no entries yet
required
capthca required

Characters count
: min. 50 characters