Thaney Lyrics

"Mak' yer bed fu' broad, dear Thaney
Mak' yer bed fu' broad and wide
There will lie a southern suitor
And you shall be his bonnie bride"
"Faither dear, my bed is narrow
Narrow so it will remain
Never will I wed a stranger
I would raither lie my lane"

"Then I will call you no more daughter
I will call you no more mine
'Til the day you die you'll wander
Wander oot among the swine"
Thaney fae the ha' was banished
Banished oot intae the night
By and by there came a lady
Busked in linens lily-white

An' Thaney beckoned tae the lady
Through the mirk she couldnae tell
That it was a fair-faced laddie
Come loomin' like the earl o' hell
"Tak yer hands fae aff my shoulders
Tak yer hands fae aff my wame"
"I will tak' the one thing, lady
I never can return again"

He has left her lyin' lowin'
Lowin' there among the swine
Thaney saw her belly growin'
Growin' wi' the rue and thyme
Word has gone untae the castle
Word has gone untae the ha'
"Thaney has lain wrang wi' a stranger
She has let her snood doon fa'"

"Wae be tae the wanton Thaney
She has hattered at my heart
Take her tae the highest mountain
Tie her fast intae a cart"
They have shackled Thaney's body
Wi' her belly rowin' fu'
Every man wi' stone stood ready
For to break her back in two

But wonders on the bonnie lady
Wonders on the Berwick Law
Thoough the stanes rained doon wi' fury
Not a one on her did fa'
Word has gone untae the castle
Word has gone through a' the land
"Thaney rose up like the morning
She stepped softly on the strand"

"Wae be tae the wanton Thaney
Curses on her blithesome head
Let it be by Loth here commanded
I will live to see her dead
Without sail or row or rudder
It's you shall toss the wild, wild faem
Let the ocean's dogs devour you
Never more you'll rise again"

But wonders on the bonnie lady
Wonders on the silver spray
Cradled by five thousand fishes
It's she has reached the Isle o' May
Through the turning tide they tumbled
Through the rattlin', rollin' storm
Safe at Culross Kirk she has landed
There she has her baby born

"I will make my bed fu' narrow
And in it I will lie my lane
And my bonnie boy there beside me
Nothing more to rue again"

Watch Malinky Thaney video
Hottest Lyrics with Videos

check amazon for Thaney mp3 download
these lyrics are submitted by itunes3
Record Label(s): 2002 Greentrax Recordings
Official lyrics by

Rate Thaney by Malinky (current rating: 7.50)
Meaning to "Thaney" song lyrics
Characters count : / 50
Latest Posts