Linton Kwesi Johnson - Reality Poem

LINTON KWESI JOHNSON


Reality Poem Lyrics

Dis is di age af reality
But some a wi a deal wid mitalagy
Dis is di age af science an' teknalagy
But some a wi check fi antiquity

W'en wi can't face reality
Wi leggo wi clarity
Some latch aan to vanity
Some hol' insanity
Some get vision
Start preach relijan
But dem can't mek decishan
W'en it come to we fite
Dem can't mek decishan
W'en it comes to wi rites

Man,
Dis is di age af reality
But some a wi deal wid mitalagy
Dis is di age af science an' teknalagy
But some a wi check fi antiquity

Dem one deh gaan outta line
Dem naw live in fi wi time
Far dem she dem get sign
An' dem bline dem eye
To di lite a di worl'
An' gaan search widin
Di dark a dem doom
An' a shout 'bout sin
Instead a fite fi win

Man,
Dis is di age af reality
But some a wi deal wid mitalagy
Dis is di age af science an' teknalagy
But some a wi check fi antiquity

Dis is di age af decishan
Soh mek wi leggo relijan
Dis is di age af decishan
Soh mek we leggo divishan
Dis is di age af reality
Soh mek we leggo mitalagy
Dis is di age of science an' teknalagy
Soh mek wi hol' di clarity
Mek wi hol' di clarity
Mek wi hol' di clarity

Watch Linton Kwesi Johnson Reality Poem video
Hottest Lyrics with Videos
0c2965fdd9083c085ab38dc90df2ce2d

check amazon for Reality Poem mp3 download
these lyrics are submitted by musixmatch2

Songwriter(s): Linton Kwesi Johnson
Publisher(s): Lkj Music Publishing Ltd.
Record Label(s): 1979 Island Records Ltd
Official lyrics by

Rate Reality Poem by Linton Kwesi Johnson (current rating: N/A)
1   2   3   4   5   6   7   8   9   10
Meaning to "Reality Poem" song lyrics no entries yet
captcha
Characters count : / 50