LINTON KWESI JOHNSON


Sonny's Lettah (anti-sus Poem) Lyrics

Dear Mama
Good day
I hope that when these few lines reach you
They may find you in the best of health

I doun know how to tell ya dis
For I did mek a solemn promise
To tek care a lickle Jim
An try mi bes fi look out fi him

Mama, I really did try mi bes
But none a di less
Sorry fi tell ya seh, poor lickle Jim get arres
It was de miggle a di rush hour

Hevrybody jus a hustle and a bustle
To go home fi dem evenin' shower
Mi an Jim stan up waitin' pon a bus
Not causin' no fuss

When all of a sudden a police van pull up
Out jump tree policemen
De whole a dem carryin' baton
Dem walk straight up to me and Jim

One a dem hold on to Jim
Seh dem tekin' him in
Jim tell him fi leggo a him
For him nah do nutt'n

And 'im nah t'ief, not even a but'n
Jim start to wriggle
De police start to giggle

Mama, mek I tell you wa dem do to Jim?
Mek I tell you wa dem do to 'im?

Dem thump him him in him belly and it turn to jelly
Dem lick 'im pon 'im back and 'im rib get pop
Dem thump him pon him head but it tough like lead
Dem kick 'im in 'im seed and it started to bleed

Mama, I jus couldn't stan up deh, nah do nuttin'

So mi jook one in him eye and him started fi cry
Me thump him pon him mout and him started fi shout
Me kick him pon him shin so him started fi spin
Me hit him pon him chin an him drop pon a bin
An crash, an dead

More policeman come dung
Dem beat me to the grung
Dem charge Jim fi sus
Dem charge mi fi murdah

Mama, doan fret
Doan get depress an downhearted
Be of good courage till I hear from you
I remain
Your son
Sonny

Correct these lyrics

Watch Linton Kwesi Johnson Sonnys Lettah antisus Poem video
Hottest Lyrics with Videos
7a945629597f5e3bb38747ab41f1c948

check amazon for Sonny's Lettah (anti-sus Poem) mp3 download

Songwriter(s): Linton Kwesi Johnson
Publisher(s): Lkj Music Publishing Ltd.
Record Label(s): 1979 Island Records Ltd
Official lyrics by

Rate Sonny's Lettah (anti-sus Poem) by Linton Kwesi Johnson (current rating: N/A)
1
2
3
4
5
6
7
8
9
10
Meaning to "Sonny's Lettah (anti-sus Poem)" song lyrics no entries yet
required
capthca required

Characters count
: min. 50 characters