Mei Vadda Lyrics

Seit a poar Woch'n is a wia verändert
Seit a poar Woch'n is a wieda jung
Er flackt im Rasen hinten in da Sunna
Und sogt: "Des Orbeiten is mia vui'z dumm"

Er tragt Blue Jeans und de Hoar wochsen eam ins Gnack
Er strahlt übers ganz G'sicht
Und de Kotletten trogt er wia da Elvis Presley
I was ned, wos is mit meim Papa passiert

Sei Auto hot er a scho lang nimma g'waschen
Statt dem macht er jetzt Yoga jeden Tog um Oans
Er hat an Ohring und a Bagwan-Kett'n
Jo, und auf de ist er do unheimlich stolz

Der Rasen der nimma g'maht wern: "Er braucht Wildnis"
Hot er letzt moi zu seim Nachborn g'sagt
Und wei der bled dahergred hot, hot er sei Hos'n owezaht
Und eam an nackerten Arsch umezoagt

[Refrain:]
Mei Vodda hot an Marihuanabam
Seit dem is der Typ wieder völlig normal
Mei Vodda raucht jeden Tog an Eimer voll Shit
Und i ois braver Bua, i rauch natürlich mit

"Geh weita Burli", hot er letztmoi g'sogt zu mia "Hau di zucha do, jetzt rauch ma uns g'scheit ei"
Er hot an rouden Libanesen über'n Tisch ume g'schoben
I hob ma denkt, daß is nimma dagrei

Und wia a zua wor wia a Nos'n im Winter
Hot er sei Zittan virazaht
Und an Wahnsinns Sound durch Reichahall g'jogt
Do hob'n si d' Ohrwatscheln im Dreieck draht

Er is a lustig`s Burschal worn, mei Voda
Und a mei Oma de raucht fleißig mit
Des wor a Orbat bis ma de soweit g'hobt hob'n
Aber zum Schluß hot's es doch no kapiert

Drum wochsen jetzt in unsam Garten wo da Vodder imma liegt
De Marihuanabam in Himme 'nauf
Und jeden Tog in da Frua siechst'as flaka de zwoa
Eingehüllt in blauen Rauch

[Refrain:]
Mei Vodda hot an Marihuanabam
Seit dem is der Typ wieder völlig normal
Mei Vodda raucht jeden Tog an Eimer voll Shit
Und i ois braver Bua, i rauch natürlich mit

8445881ea0c22e8d6e82122cea4be40b