CORRIES


A Man's A Man Lyrics

Is there for honest poverty
That hings his head, an' a' that?
The coward slave, we pass him by -
We dare be poor for a' that!
For a' that, an' a' that!
Our toils obscure, an' a' that,
The rank is but the guinea's stamp,
The man's the gowd for a' that.

What though on hamely fare we dine,
Wear hoddin grey an' a' that?
Gie fools their silks, and knaves their wine
A man's a man for a' that.
For a' that, an' a' that,
Their tinsel show, an' a' that,
The honest man, tho' e'er sae poor,
Is king o' men for a' that.

Ye see yon birkie ca'd 'a lord',
Wha struts, an' stares, an' a' that?
Tho' hundreds worship at his word,
He's but a cuif for a' that,
For a' that, an' a' that,
His ribband, star, an' a' that,
The man o' independent mind,
He looks an' laughs at a' that.

A prince can mak a belted knight,
A marquis, duke, an' a' that!
But an honest man's aboon his might -
Guid faith, he mauna fa' that!
For a' that, an' a' that,
Their dignities, an' a' that,
The pith o' sense an' pride o' worth
Are higher rank than a' that.

Then let us pray that come it may
(As come it will for a' that)
That Sense and Worth o'er a' the earth,
Shall bear the gree an' a' that,
For a' that, an' a' that,
It's comin yet for a' that,
That man to man the world oe'r
Shall brithers be for a' that.

Correct these lyrics

Watch Corries A Mans A Man video
Hottest Lyrics with Videos
46259a1b280b3b02cba699dd7f0f357f

check amazon for A Man's A Man mp3 download
these lyrics are submitted by kaan

Record Label(s): 2009 GB Productions
Official lyrics by

Rate A Man's A Man by Corries (current rating: 8)
1
2
3
4
5
6
7
8
9
10
Meaning to "A Man's A Man" song lyrics no entries yet
required
capthca required

Characters count
: min. 50 characters