The Braes O' Glennifer Lyrics

Keen blaws the win' o'er the braes o' Glennifer
The auld castle's turrets are covered wi' snaw
How changed frae the time when I met wi' my lover
Amang the brume bushes by Stanley green shaw
The wild flowers o' simmer were spread a' sae bonnie
The Mavis sang sweet frae the green birkin tree
But far to the camp they ha'e marched my dear Johnnie
And now it is winter wi' nature and me

Then ilk thing aroun' us was blythsome and cheery
Then ilk thing aroun' us was bonnie and braw
Now naething is heard but the win' whistlin' dreary
And naething is seen by the wide spreadin' snaw
The trees are a' bare, and the birds mute and dowie
They shake the cauld drift frae their wings as they flee
And chirp out their plaints, seeming wae for my Johnnie
'Tis winter wi' them and 'tis winter wi' me

Yon caul sleety cloud skiffs alang the bleak mountain
And shakes the dark firs on the stey rocky brae
While doun the deep glen bawls the snaw-flooded fountain
That murmur'd sae sweet to my laddie an' me
'Tis no' its loud roar on the wintry win' swellin'
'Tis no' the caul' blast brings the tear to my e'e
For oh gin I saw my bonnie Scots callan
The dark days o' winter war simmer tae me

Correct these lyrics

Watch Tannahill Weavers The Braes O Glennifer video
Hottest Lyrics with Videos

check amazon for The Braes O' Glennifer mp3 download
these lyrics are submitted by kaan

Rate The Braes O' Glennifer by Tannahill Weavers (current rating: N/A)
Meaning to "The Braes O' Glennifer" song lyrics no entries yet
capthca required

Characters count
: min. 50 characters