NUSRAT FATEH ALI KHAN


Shamas-Ud-Doha, Badar-Ud-Doja Lyrics

Yaa Khudaa jism meN jab tak ye mere jaan rahe
tujh pe sadqe, tere mehbuub pe qurbaan rahe
kuch rahe yaa na rahe, par ye du’aa hai ke “Ameen”
nizaa ke vaqt salaamat meraa iimaan rahe

Taaziim se letaa hai Khudaa naam-e-Muhammad
kyaa naam hai ai salle-alaa naam-e-Muhammad
Allah kare usko haraam aatish-e-dozaKh
jis shakhs ke dil pe likhaa ho naam-e-Muhammad

Jis dil meN Muhammad kii muhabbat nahiiN hotii
us par kabhii Allah kii rahmat nahiiN hotii
meraa ye aqiidaa hai agar zikr-e-Khudaa meN
ye naam na shaamil ho ibaadat nahiiN hotii

Rabb ne farmaayaa merii qudrat kii hadd ko’ii nahiiN
aur mere mehbuub kii rahmat kii hadd ko’ii nahiiN
jab malak samjhe nahiiN to aadmii samjhegaa kyaa
Amina ke laal kii azmat kii hadd ko’ii nahiiN

Khudaa kaa nuur tujh meN huu-ba-huu hai
Khudaa pinhaaN magar tuu ruu-ba-ruu hai
terii azmat kaa andaazaa ho kis ko
Khudaa hai aur Khudaa ke baad tuu hai

Shams-ud-duhaa Badr-ud-dujaa terii baRii tauqiir hai
suurat terii shaah-e-umam, Allah kii tasviir hai

aisii suurat terii kamlii vaale

Allah ne paas bulaa hii liyaa
bin dekhe Khudaa bhii rah na sakaa

Tumhaaraa saanii risaalat-mu’aab ho na sakaa
tumhaaraa ko’ii kahiiN bhii javaab ho na sakaa
rasuul aur bhii aaye jahaan meN lekin
ko’ii bhii saahib-e-ummul kitaab ho na sakaa

Meraaj meN Jibriil se kahne lage shaah-e-umam
tuune to dekhe haiN hasiiN, batlaao to kaise haiN ham
ruuh-ul-Khudaa kahne lagaaa, ai naazniiN haq kii qasam

Mere sohne kamlii vaalaRyaa, teraa aashiq kul zamaanaa ve
tere husn kii kyaa taariif karaaN, rabb aap teraa diivaanaa ve

Royaa shab-e-hijraaN meN bahut ashq bahaayaa
itne meN musavvir ko zaraa rahm jo aayaa
naqshe ka’ii tasviiroN ke saamne vo laayaa
bola, ke ye Yusuf haiN, ye Isaa haiN, ye Musaa
maine kahaa inmeN se kisii par nahiiN shaidaa
jab saamne laayaa vo shabiih-e-shah-e-vaalaa
be-saaKhtaa us vaqt zubaaN se merii niklaa

duniyaa se kyaa, roz-e-jazaa unkaa hai mujhko aasraa
maiN huuN Ghulaam-e-mustafaa kaisii merii taqdiir hai
vallail ho yaa kah-kashaaN, zulf-e-nabii par hai fidaa
ismeN baNdhe haiN do-jahaaN, kitnii hasiiN zanjiir hai

dushman bhii kahte haiN yahii, kyaa baat hai sarkaar kii
na aaNkh meN qahr-o-Ghazab, na haath meN shamshiir hai

Correct these lyrics

Watch Nusrat Fateh Ali Khan ShamasUdDoha BadarUdDoja video
Hottest Lyrics with Videos
9e1e6205fa80497ee2c3b34596ffd306

check amazon for Shamas-Ud-Doha, Badar-Ud-Doja mp3 download
these lyrics are submitted by musixmatch2

Songwriter(s): Farrukh Ali Khan, Nusrat Fateh Ali Khan
Publisher(s): Womad Music Ltd.
Record Label(s): 1989 Real World Records Ltd
Official lyrics by

Rate Shamas-Ud-Doha, Badar-Ud-Doja by Nusrat Fateh Ali Khan (current rating: 2)
1
2
3
4
5
6
7
8
9
10
Meaning to "Shamas-Ud-Doha, Badar-Ud-Doja" song lyrics no entries yet
required
capthca required

Characters count
: min. 50 characters