Mayra Andrade Lapidu Na Bo Lyrics

Dja u pinta bu sáia d'otu kor,
Dja u muda botom di bu buluza
Bu fazi pé sámbu sima Djulai,
Pa u pása na mi pa'm ka konxêu
Bu fanhi narís, dja u troka vós,
Bu pega bu pila bu dedom di pé,
Bu trokola odju xuxa kolóla,
Bu po xupa-káka pé trokádu.
Má inda msta lapidu na bo minina,
E lapidu na bo minina eh eh eh eh...
Dja u muda kaminhu pa otu rubera
Na mundu bu s't'ánda so pa kau rabés
Ta kóri di mi
Dja u bá mása bósta, Pilotu mordê u na máma-kadera
Bu kré otu algem pa'm sai di bu pé
Bu da'm um borduáda-bára-marmuleru
Bu fergâ'm narís na pipí di Taréku
Bu da'm káldu d'ása-kafanhotu...
Má inda m'kuntina lapidu na bo minina
E lapidu na bo minina eh eh eh eh (bis)
(*)E lapidu na bo, m'sta lapidu na bo,
Báxu kótchi-kótchi minina, na séti bráku-bu kabésa
Na tudu pásu ki bu da, m'sta lapidu na bo.
Báxu kótchi-kótchi minina, na séti bráku-bu kabésa uoi
Na tudu pásu ki bu da - eh lapidu na bo, minina eh eh… Dja u tra kása tedja dja u po betom,
Bu po muzáiku na sala-jantár,
Bu po kása finu só pa'm skorega,
Pa'm kai pa'm da kokéta na tchom !
Bu po nogósi na Sukupira :
Brajeru ki toma dja subi dja latchi !
Bu kumpra starletixou di karambóla :
Dinheru m'ka sabi dipundi ki bem !
Má inda m'sta lapidu na bo,
E lapidu na bo minina eh eh eh eh...
Bu kumpra pasáji bu bá Bissau
Bu bá fasê'm kórda ku bu iram,
Bu bá rótcha prétu bu bá kontráta
Ku Xuxu pa u da kábu di mi di bés.
Kusa ka filâ-bu bu bira dodu,
Bu buâ na mi bu korê'm mó na koxa,
Bu odja ma mi é féru kurádu,
Bu pega bu bóka bu po na di meu.
A-gó ki-m bira lapidu na bo minina
E lapidu na bo minina, eh eh eh eh.
(*)E lapidu na bo minina, m'sta lapidu na bo,
Báxu kótchi-kótchi minina