Cairokee Ana Mesh Ader Lyrics

[المقطع الأول]
علمونا في المدارس جملة بتقول العلم نور
كتبوها على الجدران ومن برة المدرسة على السور
والسور كناية عن حجب الرؤيا من البداية
من برة بيقول حكم وجوة كدب مالوش نهاية
فقدت الجملة معناها ومغزاها
حالها كحال المناهج حفظناها وما فهمناها

[اللازمة]
أنا مش قادر، أعيد أيامي
أنا مش قادر، أفضل في مكاني
أنا مش قادر، أعيد أيامي
أنا مش قادر، أفضل في مكاني
[المقطع الثاني]
واقف في طابور بين الجماهير
مستني دور في مسرح كبير
بحيي العالم وبقول يا بلادي
ومن قلبي بصرخ وبنادي
يا بلادي أنا فين أكون
أنا خايف من بكرة المجنون
علموني وعيشوني في تاريخ بعيد في فعل كان
ولوحدي سابوني ورموني للمستقبل والأيام
وإختاروا طريقي وربطوا إيدي
وخلوا العلم ظلام

[اللازمة]
أنا مش قادر، أعيد أيامي
أنا مش قادر، أفضل في مكاني
أنا مش قادر، أعيد أيامي
أنا مش قادر، أفضل في مكاني

[فاصل موسيقي]

[راب: زاب ثروت]
تحكم عليا إزاي وتقولي كم عمرك
دا أنا عشت يوم بسنين يساوي طول عمرك
صبري مفتاحه إنكسر عدلك بقى شئ من الأثر
والحقيقة إن حلمي عن عالمكم إنفصل
هو الحق كدا دايماً غاوي نكد
غاوي يقول بلاوي ويفضح في اللي سكت
إمسك يوم لسانك يبقى الإسم باطل أوعى تسيب مكانك مين للحق فاضل
[اللازمة]
أنا مش قادر، أعيد أيامي
أنا مش قادر، أفضل في مكاني
أنا مش قادر، أعيد أيامي
أنا مش قادر، أفضل في مكاني