Cairokee Ana El Segara Lyrics

[المقطع الأول]
أنا السيجارة والدنيا الغدارة
ماسكاني في إيديها وعمالة تشد
أنا الأمارة إنها دوارة
شفايفها حلوة بس بتعض
تديني بوسة وتنفخني أوام
بقيت أنا طاير في الهوا دخان
لا طايل سما ولا طايل أرض
دنيا غرورة وغدرها فرط
لبستلي عروسة وفي جمالها أنا دوبت
خدتني أروصة ورمتني عقب

[المقطع الثاني]
إديتها السم في الدوا، إدتني نار قلبي إنكوى
العيب فيا وفي النية خدت الشيطان جنبيا
إديته وداني وإداني الدنيا وللأخرة نساني
خداعة مش دايمة لحد لو انت جبل بكرة تنهد
لو بالجمال يا ناس ما كانش دِبل الورد
خلي رأس مالك الزهد
ده الدنيا بتمص وتشفط
زي السيجارة والدنيا الغدارة
ماسكاني في إيديها وعمالة تشد
أنا الأمارة إنها دوارة شفايفها حلوة بس بتعض
[اللازمة]
أنا السيجارة والدنيا الغدارة
ماسكاني في إيديها وعمالة تشد
أنا الأمارة إنها دوارة
شفايفها حلوة بس بتعض