Bap - Met Wolke Schwaade
Related Bap Links Bap

BAP


Met Wolke Schwaade Lyrics

Op dä Südbröck stonn ich off Stunde.
Immer widder luhr ich dä Möve un dä Schleppkähn noh

loss ming Jedanke frei.
Ne Jüterzoch un ungendurch dä Rhing flühß wigger

su wie sick Johr un Daach
als ob nix wöhr

stumm
majestätisch ahn dä Stadt vorbei.

Dä Fluss ess grau un schwer die Wolke övver Kölle.
Ming Stadt ess alt
dat heiß:
nit häßlich
nur zo plump jeschmink.
Die Uferstein allein künnte vill verzälle.
Womöglich dunn die dat sujar
su laut se künne

bloß mir sinn taub un blind.

Ich däät ens jähn met Wolke schwaade.
ich wöss vum Rhing jähn
watte denk.
Ich wöss jähn
wodrop mir noch waade

wat uns wie Lemminge en Richtung Affjrund lenk.

Kölle - Berlin
em Fliejer will ich dat he schrieve.
Die naach ess wolkelos
do unge funkelt Kassel
... schon vorbei.
Ich frooch mich: Wat ess met mir loss?
Benn ich ahm övverdrieve?
Do kütt die Stewardess
ob ich ne Wunsch hätt

Nä, 's alles einwandfrei!

Ich däät ens jähn met Wolke schwaade.
ich wöss vum Rhing jähn
watte denk.
Ich wöss jähn
wodrop mir noch waade

wat uns wie Lemminge en Richtung Affjrund lenk.

Songwriter(s): Klaus Heuser, Wolfgang Niedecken
Copyright: Bap Musikverlag
Official lyrics powered by

Rate this song (current rating: not rated yet)
12345678910
Meaning to "Met Wolke Schwaade" no entries yet
(*) required
(*) required

Characters count : (*) min. 100 characters required